Monday, October 27, 2014

                                    ስደት--ተሳዳጅ--አሳዳጅ         
ክርስቲያን  የሚለውን   ስም  ተሸክመህ  ስለምትኖር  ጠላት  ሁል ጊዜም  ያሳድድሃል፡፡ አምላክህን በድፍረት  የተቃወመች  ይህች  ዓለም አንተንም  ሳትራራ ታንገላታሃለች፡፡ ልጆቿን  ስትሾምና  ስትሸልም በጊዜያዊ አዳራሽ  በሚፈርሰው  እልፍኝ  ስታስቀምጣቸው  አንተን  በአፍአ  ትወረውርሃለች፡፡ ይሄ  ደግሞ  ሊሆን ግድ  ነውና  በኃዘን  ሳይሆን  በደስታ  ተቀበለው፡፡ ያንተ  ክብር  ያንተ ሽልማት ሩጫህን ስትፈጽም ነው፡፡ እየተሮጠ  ዋንጫ  የለም ፡፡ የመጨረሻውን  ገመድ  በጥሰህ  ውድድሩን  በድል መፈጸምህ  ሳይረጋገጥ  ክብር  የለም፡፡ ስለዚህ  ወዳጄ አሁን  ክብር  ሽልማት አትጠብቅ፡፡ በመንገድ እንዳትቀር  እየተጠነቀቅህ  ሩጫህን  በትዕግሥት  ሩጥ፡፡
    
ኢየሩሳሌም  በሕፃናት  እልቂት  ታምሳለች፡፡ ሄሮድስ  በቁጣ  ሕፃናቱን  ሊፈጅ ነስቷል፡፡ስለሥልጣኑ ሲል  ምንም  የማያውቁትን  የዋህ  ሕጻናትም  እየፈጀ  ነው፡፡ ፍርድ  ከጎደለበት  ዳኛ  ከጠፋበት  ከዚህ አሳዛኝ ሥፍራ  የአምላክ  እናት  ልጇን   ታቅፋ  ተሰደደች /ማቴ  2-13/፡፡ ዘንዶው  ሊተናኰላት  ሲነሣ እርሷ  ከፊቱ  ሸሸች /ራእ 12 4/ግብፅ  ጊዜያዊ  መቆያ  እንዲሆናት  ተዘጋጅቷልና  ወደዚያ  አመራች፡፡ አንድ  ጊዜ  የሄሮድስ  ወታደር፣  ሌላ  ጊዜ  ሽፍታ  ከዚያም  ሲቀጥል  ኮቲባን  የመሰለ  ጨካኝ  እያዘዘባት  ተንገላታች፡፡  የአሸዋ  ግለት፣ የፀሐዩ  ሐሩር  እየፈጃት  ከሀገር ወደሀገር  አቋርጣ  ተጓዘች፡፡ እሞሙ  ለሰማእታት /የሰማእታት  እናታቸው/ ለልጆቿ   ስደትን  ልትባርክ  በመከራ  መካከል  ሸሸች፡፡ በነፍሷም ሰይፍ አለፈ /ሉቃ 2-34/፡፡

Thursday, February 6, 2014

መቼም አይጨክን አይተዋት

መቼም አይጨክን አይተዋት

የሄሮድስ ሰይፍ ቀልቷቸው
በስቃይ አልፋ ነፍሳቸው
በግፍ ያለቁ ሕፃናቱ
በአዳራሾችሽ ሲደሰቱ
በአማረው አክናፍ በረው በረው
ያለማቋረጥ አመስግነው
የእኒያ መላእክት ጥዑም ዜማ
እንዴት ይማረክ ሲሰማ
በአላውያን የግፍ ስለት
ከምድር ያለፉ ሰማዕታት
አክሊሉን ደፍተው በራሳቸው
በአምላክ ታብሶ እንባቸው
ለዓለም ዓለም ሲያርፉ
ከጠላት ወጥመድ ሲተርፉ

Thursday, March 22, 2012

እኛ እንሙት በደጅሽ





ላዩ ታቹ ተናዶ 

የቆመውም ተንጋዶ

እሳት በእሳት ሲደራረብ

በነፋሱ ሲርገበገብ


Wednesday, November 30, 2011

“መኑ ይመስለከ”/መዝ ፹፰-፮/


“ዕፍረት ምዑዝ  ኢየሱስ ክርስቶስ፤ኢየሱስ ክርስቶስ መአዛዉ ያማረ ሽቶ ነዉ”።/ኤፌ ፭-፪/አንድም ኢየሱስ ክርስቶስ ምዑዘ ባህሪይ ነዉ።”ንዑ ንስግድ ሎቱ፤እንሰግድለት ዘንድ”/ፊል ፪-፲/ “ወንዕቀብ ትዕዛዛቲሁ፤ትዕዛዙን እንጠብቅ ዘንድ ኑ”።”ከመ ይሥረይ ለነ ኃጣዉኢነ፤ኃጢአታችንን ያስተሰረይልን ዘንድ” ኑ /መጽሐፈ ቅዳሴ ንባቡና ትርጓሜዉ ገጽ ፹፪//ሉቃ ፭-፳፬/።ክፉ መአዛችንን በበጎ መአዛህ የለወጥህ። በመልዕልተ መስቀል ተሰቅለህ በወርቀ ደምህ ፈሳሽነት ወደ ገነት መንግሥተ ሰማያት ያቀረብኸን መድኅነ ዓለም ኢየሱስ ክርስቶስ ነህ።ውሉደ አዳም ደቂቀ አዳም የወደቀበትን የሞት የኃጢአት ዕዳ ከላዩ ለማንሳት አቅም አልነበረውም።የሰዉ ልጅ ሞቱን በሕይወት ለመለወጥ ችሎታ አልነበረውም።በባሕሪህ ምዑዝ የሆንህ አምላክ ወልደ አምላክ አንተ ኢየሱስ ክርስቶስ ግን ሁሉን ማድረግ ተችላለህ።ስለዚህም በሥልጣንህ ለአዳም ዘር የሚበጀውን ሁሉ አደረግህ።

Thursday, November 24, 2011

ክርስትናና ወጣትነት/ክፍል አሥር/

                               
ቅናት መንፈሳዊ
ወጣቱ በቤተ ክርስቲያን ሲኖር ገንዘብ ሊያደርጋቸዉ ከሚገባው ነገሮች አንዱ ቅናት መንፈሳዊ ነው፡፡መንፈሳዊ ቅናት ያለው ወጣት በመንፈሳዊ ሕይወት ሲኖር በሚገጥመዉ በማንኛዉም ተግባር የበኩሉን፣ድርሻውን ለመወጣት ይሞክራል።በውሎውም በአዳሩ ስለ እግዚአብሔር ሕዝብና መንግስት ያስባል።የአቅሙን ለማድረግም ይወጣል ይወርዳል።በልቦናው የሚቀጣጠለው የቅናት መንፈሳዊ ሰሜት ስለማያስተኛው እያንዳንዱን ዕለት ጥቅም ላይ ለማዋል እንዲነሳሳ  ግድ ይለዋል።ለመሆኑ  ወጣቱ መቅናት የሚገባው በምን ጉዳይ ላይ ነው?ቅናት መንፈሳዊን ገንዘብ ማድረጉን የሚመዝነው ስለየትኛው ጉዳይ ሲቀና ነው?በተራ እንመልከት፡፡
ስለ ሰው ልጆች ሕይወት  መቅናት

Wednesday, September 14, 2011

ፈተናዬ ከእኔ እንዲርቅ ብጸልይም መልስ አላገኘሁም

ጥያቄ-ወደ ባሕር ማዶ ከተሻገርሁ አስር ዓመት ይሆነኛል፡፡ ባለሁበት ከተማ ኑሮዬን ለማሸነፍና ቤተሰቦቼንም ለመርዳት ደፋ ቀና እላለሁ፡፡አገሩ የሩጫ በመሆኑ እንደ ኢትዮጵያ ያህል ጥንካሬ ባይኖረኝም ቤተ ክርስቲያንም ቀርቤ በታዘዝኩት ሁሉ አገለግላለሁ፡፡አሁን አሁን ታዲያ መንፈሳዊ ሕይወቴን አደጋ ላይ የሚጥል ፈተና ስለገጠመኝ ከፈጣሪዬ መከራከር ጀምሬአለሁ፡፡ፈተናው ከእኔ እንዲርቅ ደጋግሜ ፈጣሪዬን ለምኜ ነበር ግን አልሆነም፡፡በጸሎት ያልተመለሰበት ምክንያትም አልገባኝም፡፡
ፍቅርተ ማርያም
ከቴክሳስ
መልስ-እኅታችን በመጀመሪያ ምንነቱን በግልጽ ባላስቀመጥሽው ፈተና ምክንያት ከደረሰብሽ ፈተና እግዚአብሔር ያጽናሽ ያበርታሽ እላለሁ፡፡ከላይ በጥያቄሽ እንዳነሣሽው ፈተና ገጥሞሽ ያንን ለማራቅ በተደጋጋሚ ብትጸልይም መልስ አጥተሻል፡፡ይህ ደግሞ በራሱ በእምነትሽ እንድትፈተኚ አድርጎሻል፡፡ለዚህ ጥያቄ መልስ እንዲሆነን ቅዱሳት መጻሕፍት የሚሉን አለ፡፡የተወሰነውን በተራ  እንመለከታለን፡፡ለመሆኑ ፈተና በጸሎት በቶሎ የማይርቀው ለምንድን ነው?
፩.ከእግዚአብሔር የታዘዘ ሲሆን

Tuesday, July 26, 2011

ክርስትናና ወጣትነት/ክፍል ዘጠኝ/

This is My beloved Son, in Whom I am well pleased

ቅዱሳት መጻሕፍትን እንዴት እናንብባቸው?
1. ተራ ጠብቆ ማንበብ
ቅዱሳት መጻሕፍት ስመ ሥላሴን ጠርተው ከሚጀምሩበት የመጀመሪያ ምዕራፍ አንሥቶ እስከ ፍጻሜያቸው የሐሳብ የታሪክ ቅደም ተከተል አላቸው፡፡የሚያነባቸው ሰው ሊረዳቸው የሚችለው ይህንን ቅደም ተከተል ጠብቆ ሲጓዝ ነው፡፡አንዳንድ ጊዜ በመካከል  ለየት ያሉ ታሪኮች ሲገጥሙን እንኳን ለጊዜው ተያያዥነታቸውን ባንረዳውም የኋላ ኋላ ግን እየተረዳነው እንሔዳለን፡፡የተጻፈበት ዓላማ ግልጽ እየሆነልን የሚመጣበት ጊዜ አለ፡፡ከዚህ አንጻር ቅዱሳት መጻሕፍትን ለማንበብ የሚጀምረው ሰው በዘፈቀደ በተገኘው ሥፍራ ገልጦ ከማንበብ ይልቅ መስመሩን ጠብቆ የማንበብ ልማድ ሊኖረው ይገባል፡፡
የቅዱሳን መላእክትን ተአምራት የሚናገሩ ድርሳናትን ስናነብ ከመጀመሪያው አንሥቶ እያንዳንዱ ምዕራፍ የሚያስተላልፈው መልእክት አለ፡፡የመልአኩን የስም ትርጉም፣ነገዱን፣የተሰጠውን የአገልግሎት ጸጋ፣ከብሉያት በሐዲሳት የሠራውን ተአምራት በየተራ እየነገረን ይሔድና ከዚያ በኋላ ከሐዋርያት ዘመን በኋላ እስካለንበት ዘመን ድረስ የተደረጉትን ተአምራት በየተራ ይዘረዝርልናል፡፡ ለቅዱሳን መላእክት የተሰጠን ጸጋ እግዚአብሔር ተረድተን በአማላጅነታቸው ለእኛም ተአምራት እንዲደረግልን እምነታችንን ያጎለምስልናል፡፡